Վերջերս քաղցրաւենիքի մասնագիտացած կէտի փնտռտուքները յանգեցրին Սոհո՝ հրուշակեղէնի ու շոկոլադեղէնի բացայայտմանը։ Հաստատութիւնը գտնուում է Սարեան 24 հասցէում, գլխաւոր փոստատնից մի փոքր վերեւ։

Այստեղ, ինչպէս յուշում է անուանումը, հնարաւոր է գտնել ամէն տեսակի քաղցրաւենիք։ Կերակրացանկը բազմազան է. առկայ են նաեւ սանդուիչներ ու նախաճաշի ուտեստներ, կան քաղցրաւենիքին ընկերակցող թէյեր ու սուրճեր։ Խորհուրդ կը տամ նուշով մահիկի (կրուասան) ու յասմիկով թէյի համադրութիւնը։ Թերեւս բացասական կողմերից կարող եմ նշել մեծ տորթերի պակաս համեղ լինելն ու ծննդեան տորթերի ընտրանի չունենալը։

Շատ յարմար է ինչպէս ընկերներով հանդիպելու, այնպէս էլ ընտանիքի փոքրերին ուրախացնելու համար։ Սրահը բաւականաչափ փոքր է, ինչը փոխհատուցում է աչք զարնող ինտերիորը, որը կը հաւանեն յատկապէս Ինստագրամի օգտատէրերը։ Անձնակազմը բարեհամբոյր է։ Համաձայն վայրի քաղաքականութեան՝ այստեղ պատրաստուող եւ մատուցուող սնունդը զուրկ է բուսական եւղից, գունային յաւելումներից ու ԳՄՈ-ից։ Գնային առումով բաւականին հասանելի է ու մատչելի։

Հեռախօսահամար` 011 770337
Կայք՝ soho.am