Տիցիանոն իւրայատուկ եւ գեղապատշաճ ներսոյթով սրճարան-հրուշակարան է։ Կան երկու մասնաճեւղեր՝ Հիւսիսային պողոտայ 10/1 եւ Վազգէն Սարգսեան 10 հասցէներում։ Սրանցից առաւել յայտնի է առաջինը, որի մասին էլ ձեզ հետ կը կիսեմ իմ շրջահայեցութիւնը։

Ներքին ձեւաւորումը հաճելի է, կոկիկ՝ հետաքրքրական փսեւդիտալական ոճով։ Այստեղ կարելի է ճաշակել բազմապիսի խմիչքներ, աղանդերներ, եւ կերակուրներ։ Թեեւ ճաշացանկը լոկ երկէջ է, այն բաւական ընդգրկուն է։

Թէյերն ու թխուածքները համեղ են եւ առաջարկելի։ Այցելելու դէպքում խորհուրդ եմ տալիս հէնց դրանք էլ վերցնել։

Ուտեստներից հաւանել եմ սաղմոնի ռաւիոլիները, աղցաններից՝ քինուայովը։ Փորձել եմ նաեւ բրուսկետտաները, որոնք վատը չէին, եւ հաւային հիմնական ուտեստները, որոնց տեսքն աւելի լաւ էր, քան համը։ Սեղանակիցներս փորձել են տարբեր ապուրներ, սակայն շատ տպաւորուած չեն եղել։

Ընկերներիցս ոմանք առաջարկում են այնտեղ նախաճաշել՝ օգտուելով 8:30–13:00 գործող նախաճաշացանկից, սակայն դեռ չեմ փորձել։

Սպասարկումն ընդհանուր առմամբ միջին է։ Սուրճերի տեսականու հետ ամէն ինչ սահուն չի ընթացել․ ջերմութեան եւ համի հաստատունութեան խնդիրներ կան։ Իսկ մեր ճաշկերոյթի օրը, թեպէտ մատուցողներն արագաշարժ էին, հիմնական ուտեստները շատ ուշացան եւ մենք կէս ժամ մնացինք կիսանօթի՝ բրուսկետտայի ափսէի հետ առանձին։ Այս ինտերուալից յետոյ բերուած ուտեստներից մին մեկ այլ ուտեստ էր՝ ոչ մեր պատուիրածը։ Այլ մատուցողը հաստատօրէն ասաց, թե մենք իրօ՛ք դա էինք պատուիրել՝ լաւ չէինք յիշում։ Գուցէ եւ ա՞յս պատճառով էր մթնոլորտը մի տեսակ անհասկանալի։

Գնային առումով թանկաւուն է՝ յատկապէս իր համար։ Յամենայն դէպս արժէ գոնէ մեկ անգամ այցելել՝ կոկ եւ պերճ ընթրելու, զրոյց բանալու համար։ Յարմար է ինչպէս զոյգերի, այնպէս էլ մեծ խմբերի համար՝ արտաքնապէս․ տրամադրութեանը պատասխանատու վերացական գործօնները կարծես ակնկալում են աւելի ջերմիկ՝ փոքր անձնախմբով այց։

Հեռախօսահամար՝ 010 533 780
Կայք՝ tiziano.am/en/cafe